Amerikanın “Amazon” şirkəti hüquq-mühafizə orqanlarına özünün “Rekognition” proqramından bir il müddətinə istifadə etməyi qadağan edib.
Qərar afro-amerikalı Corc Floydun vəhşicəsinə saxlanıldıqdan sonra ölümü ilə bağlı kütləvi etirazlar fonunda qəbul edilib. Bu hadisədən sonra hüquq müdafiəçiləri bu cür texnologiyalarda mümkün irqçi qərəzdən narahat olduqlarını bildiriblər.
"Biz hökumətlərin sifətin tanınması texnologiyasının etik istifadəsini tənzimləyən daha sərt qaydaların qəbul edilməsini müdafiə edirdik və son günlərdə (ABŞ) Konqres bu problemi həll etməyə hazır görünür", - bəyanatda deyilir.
Eyni zamanda Amazon rəhbərliyi bu qadağanın itkin düşmüş uşaqları axtaran və insan alveri ilə mübarizə aparan təşkilatlara təsir etməyəcəyini vurğulayıb.
Həmçinin, iyunun 9-da IBM artıq sifətin tanınması proqramını inkişaf etdirməyəcəyini və satmayacağını açıqladı. Bu qərar həm də Floydun ölümü ilə bağlıdır.
Həmçinin oxuyun:
Cavab yaz