Çin mətbuatının məlumatına görə, Çinin hava taksi istehsalçısı EHang 400 km uçuş məsafəsinə malik elektrik təyyarəsini təqdim etməyə hazırlaşır. Bu, EHang 216 avtonom sərnişin kopterlərinin uça biləcəyindən təqribən on dəfə çoxdur.Yeni işlənmə haqqında ətraflı məlumat yoxdur. Bununla belə, EHang artıq iki nəfərlik hava taksilərinin kütləvi istehsalı mərhələsinə çatıb və daha çox şeyə cəhd edə bilər.
EHang 216 (EH216) hava taksiləri təxminən 270 kq ağırlığında və 270 kq-a qədər yük və ya iki sərnişin daşıya bilir. Maşınların kruiz sürəti 100 km/saat, maksimal sürəti isə 130 km/saatdır. Batareyaların tam doldurulması ilə uçuşun müddəti 20 dəqiqəyə çatır və buna görə də maksimum uçuş məsafəsi təxminən 40 km-ə bərabərdir. Əgər şirkət 400 km uçuş məsafəsinə malik elektrik mühərrikli avtonom təyyarə yarada bilsə, bu, irəliyə doğru mühüm addım olacaq. Lakin biz hələ bilmirik ki, söhbət hansı tip təyyarələrdən gedir. İstehsalçının təyyarənin klassik sxeminə qayıtması mümkündür.
Bu ilin ikinci rübündə şirkət ildə 216 ədəd EH600 aerotaksinin yığılması üçün yeni istehsal sahəsini işə salmağı planlaşdırır. EHang şirkəti hava taksilərinin kütləvi istehsalı baxımından dünyada yeganə və əsas şirkət oldu. Hava elektrik nəqliyyatı ilə təkcə qısa deyil, orta məsafələri də fəth etməyə hazır olduğunu öyrənmək maraqlı olacaq.
Həmçinin oxuyun: