Almaniya elektromobillərə marağı artırmaq üçün təkcə subsidiyaları artırmır, həm də infrastrukturun yaxşılaşdırılmasına öz töhfəsini verir.
Reuters xəbər verir ki, Almaniya hökuməti bütün benzin və dizel yanacaqdoldurma məntəqələrindən elektriklə işləyən avtomobillər üçün də şarj təklif etməyi xahiş edib. Bu addım ölkənin 130 milyard avroluq iqtisadi bərpa planının bir hissəsidir.
Almaniyanın Enerji və Su Assosiasiyası BDEW-in məlumatına görə, mart ayı üçün ölkədə 27-dən çox EV doldurma məntəqəsi var.
Bununla belə, elektromobillərin əlverişli variant olması üçün Almaniya ən azı 70 000 şərti doldurma stansiyası və 7 000-dən çox sürətli enerji doldurma məntəqəsi quraşdırmalıdır.
Elə dünən Almaniya hökuməti elektrik avtomobil alıcılarına verilən subsidiyanın iki dəfə artırılaraq 3000 avrodan 6000 avroya çatdırıldığını açıqladı. İstehsalçıya verilən subsidiyalar da daxil olmaqla, yeni elektrik avtomobil alıcıları indi elektrik avtomobilinin alınması üçün 9000 avroya qədər maliyyə dəstəyi ala bilərlər.
Həmçinin oxuyun: