Dövlət katibi Mayk Pompeo iyulun 6-da FOX News kanalının efirində bildirib ki, ABŞ hakimiyyəti Çinin TikTok tətbiqinin ölkə ərazisində fəaliyyətinə qadağa qoyulması imkanını nəzərdən keçirir.
Teleaparıcı Pompeodan bu sosial şəbəkənin rəhbərliyinin guya istifadəçi məlumatlarını Çin hakimiyyətinə təhvil verməsi ehtimalına görə ABŞ hakimiyyətinin Çin platformalarının, o cümlədən TikTok-un fəaliyyətini qadağan etməkdə Hindistanı izləyə biləcəyini soruşub.
“Biz buna çox ciddi yanaşırıq. Biz bunu mütləq araşdırırıq. Smartfonlardakı Çin tətbiqlərinə gəlincə, sizi əmin edirəm ki, ABŞ müvafiq tədbirlər görür”, - deyə Pompeo bildirib.
TikTok-da ABŞ-dan 30 milyondan çox istifadəçi qeydiyyatdan keçib. 2019-cu ilin noyabrında ABŞ milli təhlükəsizlik orqanları Çinin ByteDance Technology şirkəti olan TikTok-un sahibi ilə bağlı araşdırmaya başlayıb. ABŞ qanunvericiləri proqram sahiblərinin məzmunu senzura edəcəyindən narahatdırlar. Onların istifadəçilərin şəxsi məlumatlarının necə saxlandığı ilə bağlı da sualları var.
Həmçinin oxuyun: